Korea e Veriut ka kapacitete në gjendje që të godasin Shtetet e Bashkuara të Amerikës.
Lajmi u raportua ditën e dielë nga mediat koreanojugore, të cilat cituan zyrtarë ushtarakë të vendit.
Sipas tyre, vendi komunist ka tashmë në zotërim raketa me rreze 10 mijë kilometerash, të cilat janë në gjendje të godasin Bregun Perëndimor të SHBA-së dhe Europën.
Përfundimi i Seulit zyrtar erdhi pasi ushtria rikuperoi në det dhe analizoi fragmentet e një pjese të raketës, e cila dërgoi një satelit në hapësirë më parë gjatë dhjetorit.
Peniani realizoi lëshimin, i cili shkeli një rezolutë të OKB-së në lidhje me testimet e raketave me rreze të gjatë veprimi, pavarësisht sanksioneve dhe presionit ndërkombëtar.
Korea e Veriut, një vend me 25 milionë banorë, ndërmerr një program ambicioz raketor, pavarësisht shpenzimeve astronomike, në një kohë kur një pjesë e popullsisë së vendit është e kërcënuar drejtpërsëdrejti nga uria.
Me pare, dihej se vendi kishte raketa me rreze prej 1 500 kilometreash, te mjaftueshme per te goditur vendet fqinje, por jo per te udhetuar pertej Oqeanit Paqesor apo ne portat e kontinentit europian.
Top Channel
