Shqiponja rrëmben fëmijën? Video mashtruese
21/12/2012 00:00
SHBA/ Shoferi refuzoi ta transportonte për shkak të peshës së saj, reperja ngre padi kundër taksistit 29/09 17:41
Video ku tregohet një shqiponjë duke kapur një fëmijë, prej disa ditësh po bën xhiron në internet duke fituar miliona klikime e reagime nga më të ndryshmet.
Shpejt filmimet përfunduan në faqet e para të disa gazetave dhe në kronika në shumë televizione të mëdha ndërkombëtare. Në videon e postuar në Youtube sqarohet se bëhet fjalë për një ngjarje të ndodhur në një park natyror të Kanadasë.
Fillimisht ishin të paktë ata që hodhën dyshimet mbi vërtetësinë e videos, ndërsa me kalimin e ditëve, këto zëra shtoheshin. Të premten, vetë autorët e videos pranuan se bëhej fjalë për një montazh 3D.
Ata thonë se nuk kishin për qëllim të mashtronin askënd dhe se punimi ishte një detyrë e mirërealizuar për temë diplome në Kolegjin e Punimeve të Animuara në Montreal. Sipas tyre, si fëmija në momentin e grabitjes, ashtu edhe shqiponja është një punim 3D i tyre. Ndaj qetësohuni! Asnjë shqiponjë nuk ka rrëmbyer fëmijë.
Top Channel
