Kroaci, në pranga trafikuesit e emigrantëve
12/12/2012 20:40
“Kasapi i Bosnjës” kërkon të lirohet me kusht, refuzohet kërkesa e kriminelit të luftës 21/05 21:45
Policia kroate arrestoi 18 persona, përfshi disa roje të kufirit, me dyshimin se lejuan emigrantë të paligjshëm boshnjakë të hyjnë në Kroaci dhe vendet e tjera të Bashkimit Europian.
Në një operacion të përbashkët, 17 persona të tjerë u arrestuan në Bosnje dhe 10 në Slloveni.
Sipas policisë kroate, shumica e emigrantëve të trafikuar drejt BE-së ishin turq, të cilët paguan nga 850-1 000 euro për të kaluar kufirin.
Në bazë të hetimeve, dyshohet se për secilin person të trafikuar, tre rojet e korruptuar kroatë të kufirit përfitonin 40-150 euro.
Pasi futeshin në Kroaci, ata përfitonin nga regjimi i kalimit të kufirit pa viza me Slloveninë, për t’u zhvendosur në këtë vend të BE-së, nga ky lëviznin më pas në të gjithë unionin.
Operacioni i përbashkët që solli shkatërrimin e rrjetit të trafikimit të emigrantëve në BE përkoi me raportet shqetësuese të Brukselit, mbi rritjen e numrit të azilkërkuesve në Europë.
Top Channel
