Clinton: Nuk do kandidoj për presidente
12/12/2012 21:45
Video/ ‘Drejtësi rruge’ e menjëhershme jepet nga kalimtarët ndaj rrugaçit që sulmoi të moshuarin në Angli (fotot)
03/05 15:24
“Nuk besoj se do ta bëj sërish”. Me këto fjalë sekretarja amerikane e Shtetit, Hillary Clinton ka mohuar zërat për një kandidim eventual për Shtëpinë e Bardhë në zgjedhjet e vitit 2016.
“Jam shumë e lumtur që e provova këtë gjë në të kaluarën. Tani dua të tërhiqem dhe të shoh se çfarë tjetër mund të bëj për të kontribuar në jetën publike”, ka thënë Clinton.
Deklaratën e saj shefja në ikje e diplomacisë amerikane e ka bërë në një bisedë me gazetaren Barbara Walters të kanalit informativ amerikan ABC News.
Më herët gjatë muajit, një sondazh i Langer Research Associates, i bërë për pikërisht për ABC News dhe Washington Post, tregonte se shumica e amerikanëve do të donin që Clinton të kandidonte për presidente në zgjedhjet e ardhshme.
Sipas të dhënave të anketës, 57 për qind e amerikanëve do ta mbështesnin Clinton në garën presidenciale dhe vetëm 37 për qind do të kundërshtonin kandidimin e saj.
Në favor të Hillary ishin shprehur 66 për qind e grave dhe 49 për qind e burrave. Sipas anketës, 68 për qind aprovonin gjithashtu punën e saj në drejtimin e Departamentit të Shtetit.
Top Channel
