Itali, pranga trafikantëve shqiptarë
08/12/2012 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Dy operacione të anti-drogës në Italia, një në Ankona dhe tjetri në Aosta çuan në prangosjen e dy shtetasve shqiptare.
Në Aosta, policia italiane sekuestroi 2 kilogram lëndë narkotike të llojit kokainë me vlerë prej 400 mijë eurosh. Në pranga përfundoi shtetasi shqiptar Enver Meta. Sipas autoriteteve italiane, 37-vjeçari Meta po udhëtonte me një makinë me targa greke kur u prangos.
Arrestimi i tij mbërriti gjatë operacionit për prangosjen e Arjan Cacës, një tjetër shqiptari të shumëkërkuar nga policia italiane për trafik ndërkombëtar droge. Hetuesit italianë dyshojnë se droga po tentohej të futej në Itali nga Belgjika.
Ndërkohë, në një tjetër operacion, këtë herë në Ankona përfundoi në pranga 40-vjeçari shqiptar, Arian Mançe. Sipas antidrogës italiane, Mançe e kap me 500 gram kokainë me një vlerë prej 80 mijë eurosh në treg.
Sipas autoriteteve italiane, Mançe njihet për aktivitetet e tij të paligjshme dhe rezulton me precedentë të mëparshëm penalë.
Top Channel
