Kina do të mbjellë zarzavate në Mars

Lajmi u publikua ditën e martë në agjensitë kineze të lajmëve, që specifikuan se perimet u rritën normalisht brenda një kapsule, e cila arrinte të krijonte kushte të përshtatshme për rritjen e bimëve, ndonëse e vendosur në një laborator që krijonte kushte identike me ato të jetës në Mars apo satelitin e vetëm të Tokës, në Hënë.

Kapsula në të cilën u vendosën bimët, prej 300 metrash kubikë, është e njëjta që do të përdorin edhe austronautët në misionet e tyre.

Nëpërmjet disa sistemeve tejet të sofistikuara biologjikë, shkencëtarët kinezë kanë arritur që t’u japin bimëve brenda kapsulës kushtet dhe barazpeshën e domosdoshme për kultivimin natyral të jetës, pavarësisht temperaturave ekstreme dhe mungesës së oksigjenit.

Agjensia “Xinhua” përcaktoi se ky ishte eksperimenti i parë i këtij lloji në botë dhe se ai, i hap rrugën idesë fantastiko-shkencore për të shfrytëzuar në një të ardhme planetët e satelitët pranë nesh, për marrjen apo kultivimin e resurseve të rëndësishme për jetën në Tokë.

Top Channel