Dhjetori sjell reshjet e dëborës

Pas temperaturave disi të larta, për muajin nëntor, dhjetori ka hyrë me temperatura të ulëta, tipike për këtë muaj. Meteorologët e shërbimit të forcave ushtarake parashikojnë se ditën e hënë do të ketë jo vetëm ulje të temperaturave, me 3 deri në 4 gradëe, duke bërë që temperaturat minimale të shkojnë në 0 deri në 9 gradë celcius, por të shënohen edhe reshje dëbore në zonat malore të vendit, në lartësitë mbi 800 metra mbi nivelin e detit.

Dita e martë parashikohet të jetë më e qëndrueshme. Por, termometri do të shënojë sërish ulje në datat 4 dhe 7 dhjetor. Sipas meteorologëve parashikohet që reshjet e shiut dhe të dëborës, në zonat malore, të vijojnë gjatë këtyre ditëve.

Në datën 7 dhjetor, temperaturat do të pësojne një tjetër ulje me 5 deri në 6 gradë celcius, duke bërë që temperaturat minimale të shkojnë nën zero gradë. Kjo pritet të sjellë ngrica, por edhe vështirësi në qarkullimin rrugor të zonave malore.

Top Channel