Brazili përjashton mundësinë Guardiola
26/11/2012 20:50
Derbi do luhet me tifozë, FSHF “fal” me llogari Tiranën para Partizanit 25/11 16:26
Presidenti i Konfederatës Braziliane të Futbollit, Jose Maria Marin, përjashtoi mundësinë e kontraktimit të Guardiolës në krye të Selecaos.
Në një deklaratë për mediat, presidenti i KBF-së, theksoi të hënën se dëshiron që trajneri i ardhshëm të jetë brazilian.
“Ka shumë pak gjasa që trajneri i ri i Brazilit të jetë i huaj. Kam shumë respekt për Guardiolën, por Brazili ka fituar gjithmonë titujt botëror i udhëhequr nga trajnerë vendas”, tha Marin.
Për shtypin brazilian, është shumë e mundur që të shihet një rikthim i Luiz Felipe Scolarit, që udhëhoqi kombëtaren drejt titullit botëror të vitit 2002.
Trajneri Mario Menezes u shkarkua një javë më parë, nëpërmjet një komunikate në të cilën ai falenderohej për punën e bërë, por nuk jepej asnjë shpjegim për atë vendim.
Top Channel
