Portrete VIP-ash me karamele
21/11/2012 12:25
A u lejohet të bëjnë s*ks lojtarëve të kombëtares përpara ndeshjes? Flet fizioterapisti 26/06 07:43
Një artist meksikan ka vendosur që të bëjë portretet e disa nga këngëtareve më të njohura të momentit, por pikturat e tij nuk janë të zakonshme. Cristiam Ramos i ka bërë këto portrete duke përdorur karamele të ndryshme.
Për veprat e tij që përfshijnë Beyonce, Lady Gaga dhe Nicki Minaj, Ramos ka përdorur 5000 karamele për secilën dhe ka shpenzuar shumë kohë në studion e tij në Florida (SHBA).
“Më pëlqen shumë të krijoj gjëra të reja me materiale të ndryshme. Ideja më erdhi katër vite më parë kur isha në një park. Një baba i dha djalit të tij një karamele dhe ai u gëzua shumë. Menjëherë kuptova efektin e karameleve tek njerëzit dhe vendosa që portretin e idhujve të tyre ta bëj me karamele në mënyrë që ta duan edhe më shumë”, shprehet Ramos siç publikon ‘Daily Mail’.
Cristiam Ramos ka nisur të pikturojë që në moshë 8-vjeçare dhe punët e tij janë të ekspozuara në muze rreth e qark botës.
Një portret me karamele kushton rreth 18 mijë dollarë dhe çmimi varion sipas madhësisë së pikturës dhe sasisë së karameleve që janë përdorur në të.
Top Channel
