Itali, policia godet mafien e arit
09/11/2012 08:40
Hajdut “me terezi”! Arrestohet skifteri që futej nëpër shtëpi, hante, lahej… dhe vidhte 29/11 13:42
Policia italiane sekuestroi asete me vlerë minimale prej 200 milionë dollarësh, nga një rrjet i dyshuar i trafikimit të arit.
Më shumë se 250 banesa u kontrolluan imtësisht nga policia në të gjithë vendin, përfshi një vilë ku duket se u zbulua sasia e pabesueshme e arit dhe një shumë e papërcaktuar parash.
Rrjeti besohet se trafikonte lingotat e arit në Zvicër, pasi i blinte më parë në tregun e zi italian, me qëllim pastrimin e parave.
Sektori i arit është shndërruar në tejet fitimprurës si rrjedhojë e mungesës së ligjeve të qarta rregulluese dhe pjesëmarrjes së mafies në këto aktivitete.
Në total, të dyshuarit në këtë çështje janë 118.
Aktualisht, mbi rrjetin rëndon dyshimi se është i përfshirë në pastrim parash dhe shitje të bizhuterive të vjedhura.
Si pjesë e aktivitetit të tyre, ata shkrinin sasi të ndryshme ari në lingota, në disa farka artizanale.
Top Channel
