Universi pothuajse ka përfunduar aktivitetin e tij krijues, me lindjen e yjeve që tashmë është shndërruar në një fenomen të rrallë.
Ky është përfundimi i një grup astronomësh ndërkombëtarë, që arritën në përfundimin se milionat e yjeve, planeve, sateliteve dhe trupave të tjerë qiellorë, përbëjnë në total 95% të të gjithë trupave që do të ekzistojnë ndonjëherë.
Studimi i realizua nëpërmjet shfrytëzimit të tre megateleskopëve, në Britani, Kili dhe SHBA.
Sipas astronomëve, gjysma e yjeve që kanë ekzistuar ndonjëherë janë krijuar ndërmjet 9-11 miliardë vjet më parë, ndërsa pjesa tjetër është krijuar që prej atëherë.
Në studimin e publikuar në një revistë shkencore, shpjegohet se që prej nëntë miliardë viteve më parë, procesi i krijimit të yjeve dhe trupave të rinj ka rënë në mënyrë të vazhdueshme dhe drastike, prandaj në përllogaritjet e astronomëve, universi mund të pasurohet me vetëm 5% të totalit të përgjithshëm të trupave që mbart aktualisht.
”Jetojmë qartësisht në një univers të mbizotëruar nga yjet e vjetra. Pothuajse çdo zhvillim në univers ka ndodhur disa miliarë vite më parë. Sot, procesi i lindjes së yjeve e trupave të rinj është 30 herë më i ulët se maksimumi i tij 11 miliardë vjet më parë”, deklaroi David Sobral, një doktor i Universitetit të Shkencave në Lajden, Holandë.
Top Channel
