Gjeorgji, rrahu ushtarët, arrestohet ish-ministri
07/11/2012 16:15
Lidershipi në botën globale të biznesit ndryshon, ja cila është kompania më e vlefshme në Planet 29/05 22:34
Autoritetet gjeorgjiane arrestuan një ish-ministër, i cili u largua nga pushteti vetëm një muaj më parë, me rotacionin që sollën zgjedhjet politike.
Bacho Akhalaia, ish-ministri i brendshëm dhe i mbrojtjes, një prej aleatëve më të ngushtë të Presidentit Mikheil Saakashvili, përballet me akuzën e agresionit.
Dy ish-funksionarë të tjerë u arrestuan, përfshi ish-kryekomandantin e forcave të armatosura.
Nga ana e tij, Akhalaia hodhi poshtë akuzat, duke e akuzuar qeverinë e re për “një gjueti shtrigash”, e duke fajësuar për motivimet politike që sollën në arrestimin përkatës.
Ish-ministri akuzohet se abuzoi fizikisht dhe verbalisht gjashtë ushtarë, kur ishte ministër i mbrojtjes në tetor 2011.
Në rast se procesi do të vazhdojë dhe Akhaila do të shpallet fajtor, Akhalaia mund të dënohet deri në tetë vjet heqje lirie.
Top Channel
