Ganë, shembet një supermarket në Akra
07/11/2012 13:30
Qindra persona janë zënë poshtë gërmadhave të një supermarketi që është shembur në Akra, kryeqytetin e Ganës.
Sipas BBC, policia dhe zjarrfikësit po mundohen të shpëtojnë njerëzit. Nga raportimet e para, tre persona kanë humbur jetën.
Kryetari i Bashkisë së Akras, Alfred Oko Vanderpuye, është në vendngjarje.
Një dëshmitar theksoi për ‘AFP’: “Po shkoja për të blerë diçka, kur marketi u shemb para meje.”
Mendohet se rreth 200 persona nga stafi i supermarketit janë bllokuar brenda. Godina u shemb 15 minuta para se të hapej për nisjen e punës.
Top Channel