Nuk duronte telefonat, vetëvritet

Michael Nield, violinist, vuante nga një alergji e rrallë e shkaktuar nga elektro-sensiviteti. Ai ishte mjaft i ndjeshëm nga fushat elektrike të prodhuara nga lëshimi i valëve telefonike, si celulare ashtu edhe telefonave fiks.

Për këtë, për pak kohë ai përdori një veshje të posaçme për t’u vetëmbrojtur, ndërsa natën flinte me një pajisje në krevatin e tij për të reduktuar ekspozimin ndaj valëve elektrike.

Pas vitesh torturë në qytetin e Oksfordit, familja e tij vendosi të lëvizë drejt fshatit. Edhe këtu, megjithëse situata ishte disi më ndryshe, 36-vjeçari nuk gjeti paqe. Dhimbjet e kokës i vazhduan.

Në pamundësi për të përballuar torturën e rëndë, Michel Nield vendos t’i japë fund jetës në 3 qershor të këtij viti duke konsumuar një sasi të konsiderueshme hapesh dhe alkooli. Ai u gjet nga babai në makinën e tij.

Ky i fundit u ka drejtuar një apel autoriteteve britanike për të bërë dicka në këtë drejtim, duke nënvizuar se rastet e dhimbjeve të kokës apo patologjive të tjera të shkaktuara nga valët e dëmshme telefonike sa vijnë e shtohen.

Top Channel