Korea e Jugut mbyll dy reaktorë bërthamorë
05/11/2012 08:00
Lufta në Gaza, presidenti i Kolumbisë njofton shkëputjen e marrëdhënieve diplomatike me Izraelin: Nëse bie Palestina, vdes njerëzimi 01/05 22:54
Korea e Jugut ka mbyllur dy reaktorë bërthamorë pasi u zbulua se shumë pjesë të tyre nuk kishin licensën e duhur. Hong Suk-woo, ministri i Ekonomisë së Koresë së Jugut, theksoi se bëhet fjalë për pjesë që nuk përbëjnë aspak rrezik për sigurinë.
Këto pjesë përfshijnë disa siguresa dhe sisteme ftohjeje që nuk kishin certifikatën e duhur nga industria e energjisë bërthamore.
Kjo mbyllje do të thotë se në muajt në vazhdim mund të ketë probleme me energjinë, shtoi Hong sipas BBC. Më shumë se 5 mijë pjesët në fjalë mund të përdoren në industri të tjera, por kishin nevojë për licencën përkatëse për tu përdorur në impiantet bërthamore.
Këto pjesë përdoreshin në impiantin bërthamor të Yeonggwang, aty ku u mbyllën dy reaktorët bërthamorë.
“Është e pashmangshme që të vuajmë ndërprerje të energjisë elektrike gjatë dimrit me dy reaktorë që nuk i vëmë në punë”, theksoi ministri.
Korea e Jugut ka 23 reaktorë bërthamorë që sigurojnë 35% të energjisë elektrike të vendit.
Top Channel
