Qeveria greke po përgatit një paketë të re kursimesh që do të prezantohet në parlament këtë javë, ndërsa vendi vazhdon të jetë nën presionin e falimentimit.
Deputetët do të duhet të miratojnë shkurtime të mëtejshme me vlerë prej 13,5 miliardë eurosh, të siguruara nga rritja e taksave, ulja e investimeve dhe shkurtimi i vendeve në administratë, për të marrë këstet e reja të kredisë, të vetmet që mbajnë ende në këmbë financat e rrënuara helene.
Megjithatë, miratimi i këtyre masave të reja të rënda për popullsinë, nuk paraqitet edhe aq i thjeshtë, ndërsa një prej partive të koalicionit qeverisës ëshët shprehur se do të votojë kundër.
Masat e deritanishme shtrënguese nuk kanë arritur ende të vendosin nën kontroll defiçitin grek dhe Banka Qendrore Europiane, Bashkimi Europian dhe Fondi Monetar Ndërkombëtar, huadhënësit e Athinës, kanë kërkuar reforma edhe më të ashpra.
Nga ana e tyre, sindikatat kryesore në vend kanë protestuar për një seri protestash gjatë të gjithë javës.
Grevat nisën që ditën e hënë, kur disa prej sistemeve të transportit u bllokuan, ndërsa gazetarët nuk u paraqitën në punë.
Top Channel
