SHBA, rritet papunësia

Megjithatë, pavarësisht aftësisë së ekonomisë për t’u zgjeruar, papunësia u rrit me 0,1% në 7,9% të krahut aktiv gjatë tetorit, si rrjedhojë e faktit që më shumë persona rritën kërkesën e tyre për punë, duke u klasifikuar zyrtarisht si i papunë.

Një person duhet të jetë në moshë aktive dhe të kërkojë aktivisht për punësimin, në mënyrë që të klasifikohet si i papunë.

Sipas ekspertëve, shifrat e reja të publikuara nga Departamenti i Punës i vijnë në ndihmë Presidentit Obama, i cili përballet në një garë shumë të ngushtë me rivalin Mitt Romney, përpara zgjedhjeve të datës 6 nëntor.

Megjithatë, të dy kampet interpretuan ndryshe këto të shifra, me demokratët që kujtuan se punësimi është rritur dhe republikanët që u përqendruan në faktin se gjithashtu papunësia është rritur.

”Shifrat e sotme na kujtojnë se fatkeqësisht, ekonomia ke mbetur prej kohësh në stanjacion. Përqindja e papunësisë është më e lartë nga ajo që gjeti Presidenti Obama kur mori detyrën. Sot, 23 milionë amerikanë janë të paaftë të sigurojnë një punë”, deklaroi kandidati republikan, Mitt Romney.

Top Channel