Afati për të përfunduar punimet në rrugën pedonale të Shkodrës ka skaduar, por ende duket larg mbyllja e punimeve.
Rruga që po kthehet në rrugë pedonale është vazhdim i rrugës pedonale ekzistuese. Nga ajo që shihet në terren duhet të paktën dhe disa javë që punimet në këtë aks të përfundojnë.
Ende nuk janë shtruar pllakat e gurit në pjesën më të madhe të rrugës. Sipas Bashkisë, shkak i vonesës është bërë ndërhyrja në rrjetin e kanalizimve nëntokësore, pasi gjendja e tyre tepër e amortizuar ka kërkuar ndërhyrjen nga e para dhe kjo ka marrë kohë tej parashikimeve.
Dy rrugët 13 Dhjetori dhe 28 Nëntori që janë vazhdim i njera-tjetrës me një gjatësi rreth 1.5 km kanë një vlerë të përgjithshme prej 1 milion dollarë.
Financimi i këtyre rrugëve bëhet nga Fondi Shqiptar i Zhvillimit dhe Bashkia Shkodër. Kjo shumë është parashikuar për infrastrukturën nëntokësore, rikonstruksionin e rrugës dhe të fasadave të saj.
Top Channel