Një adoleshente që vuan nga një çrregullim i rrallë gjenetik kërkon të futet në botën e modës në vend që të pranojë nënshtrimin ndaj sëmundjes.
Louise Wedderburn vuan nga Fibrodysplasia ossificans progressiva (FOP). Ajo i ka të bllokuara artikulacionet (më e dukshme është tek kyçet e duarve) dhe bën që muskujt të jenë shumë të ngurtë duke e bërë pothuajse të pamundur lëvizjen e trupit.
Nga ky çrregullim vuajnë vetëm 700 persona në të gjithë botën. Kjo sëmundje nuk ka ende një kurë dhe personat që e kanë këtë çrregullim mund të jetojnë deri 40 vjeç.
19-vjeçares britanike i mbeten edhe disa vite me lëvizje të kufizuar para se t’i duhet një karrige me rrota, por vajza këmbëngul: “Sëmundja nuk do të më ndalojë për të bërë atë që dua. Kam shkuar në mbrëmjen e maturës edhe pse shumicën e shkollimit e kam marrë në shtëpi. Gjithashtu kam nisur të punoj si modele në Londër dhe tek revista ‘Elle’. Dua të rris ndërgjegjësimin e njerëzve për FOP-në.”
Top Channel
