Policia serbe, arrestim në Kosovë
31/10/2012 00:00
Vuçiç në Francë: Serbia s’është në linjë me politikën botërore për shkak të Kosovës, duhen vendime të guximshme 25/04 21:35
Ndonëse është mohuar shpesh se vepron në Kosovë, policia serbe ka arrestuar shtetasin Sllavolub Joviç, në oborrin e spitalit të Mitrovicës veriore.
Gjykata e Kralevës i ka caktuar atij një muaj paraburgim për shkak të vrasjes së një ushtari të KFOR-it në ditën e 1 qershorit në fshatin Rudarë, kur pjesëtarët e forcave paqeruajtëse kishin tentuar të hiqnin barrikadat e ngritura në këtë pjesë.
Këshillit i rrethit i Partisë Demokratike të Serbisë së Vojisllav Koshtunicës, ish-kryeministër dhe president, parti e cila konsiderohet se kishte kontrolluar veriun, ka reaguar duke thënë se Joviç është arrestuar nga xhandarmëria serbe.
Kjo parti ka theksuar se arrestimi dëmton betejën e serbëve për të ruajtur tokat e tyre. Ndërsa zëdhënësi i policisë në Mitrovicë, Besim Hoti dhe zëdhënësja e EULEX-it, Irina Gudelevic kanë thënë për mediat serbe se nuk kanë informacione për këtë rast.
Joviç është i dyti person i arrestuar në veri të Kosovës, pas Zvonko Veselinoviç, i cili konsiderohej si njëri prej organizatorëve të barrikadave.
Ky arrestim vjen edhe pas tensionimit të marrëdhënieve mes liderëve lokalë dhe atyre qendrorë lidhur me keqpërdorimin e buxhetit për Kosovën.
Top Channel
