Clinton, mesazh të qartë Serbisë
31/10/2012 00:10
Vrasja e 14 vjeçares, Turqia do të ekstradojë të dyshuarin kryesor për ngjarjen makabër që tronditi Maqedoninë e Veriut 30/04 18:14
Kosova për Shtetet e Bashkuara të Amerikës është një shtet i pavarur dhe për këtë nuk ka se çfarë të bisedohet dhe se kufijtë në Evropë nuk do të ndryshojnë.
Ky ka qenë mesazhi që Sekretarja e Shtetit, Hillary Clinton, i ka dërguar politikës serbe, por duke theksuar se mund të përmirësohet jeta e njerëzve dhe të arrihet shumë në tejkalimin e problemeve.
Clinton dhe baronesha Catherine Ashton, shefe për politikën e jashtme dhe sigurimit e Bashkimit Evropian, kanë përfunduar vizitën e tyre në masa të rrepta sigurie me mbi 4000 policë dhe agjentë të ndryshëm sigurimesh, ndërsa kanë takuar krerët e shtetit serb.
“Ne duam që njerëzit në Serbi ta dinë se përkrahim fuqishëm integrimin e Serbisë në Bashkimin Evropian”, ka thënë sekretarja Clinton, pas takimit me Dacic dhe Nikolic.
Baronesha Ashton, ka theksuar se askush nuk është duke i paraqitur Serbisë kushte të reja, por dialogu me Prishtinën është i rëndësishëm sikurse dhe zbatimi i marrëveshjeve.
Kryeministri serb, Ivica Dacic, nga ana tjetër ka theksuar se Serbia do të përmirësojë marrëdhëniet me Prishtinën.
“Serbia nuk do ta njoh pavarësinë e Kosovës, por do të bëj gjithçka për normalizimin e marrëdhënieve me Prishtinën për shkak të integrimeve të përbashkëta në Bashkimin Evropian”, ka theksuar Dacic.
Vizita e Clinton e Ashton ka irrituar Partinë Radikale të Serbisë e cila ka protestuar para presidencës me parrullat “Kosova është Serbi”.
Top Channel
