Emigranet dinë më shumë për Britaninë se sa britanikët vetë. Deputeti laburist Sadik Khan, tha për Dailymail se ndihet i frustruar kur sheh të huajt që detyrohen të kalojnë testet e vështira të nënshtetësisë në Angli kur ka plot vendas, sipas tij, që nuk dinë asgjë për historinë e shtetit ku jetojnë.
Khan, prindërit e të cilit kanë emigruar nga Pakistani, e konsideron të tepruar një praktikë të tillë. Ndihem keq kur shoh se si qytetarët e rinj detyrohen të mësojnë shumë, në një kohë kur nuk bëhet asgjë për t’u siguruar se një dije të tillë e kanë edhe të tjerët, shprehet ai.
Deklarata e Khan ngjalli reagimin e menjëhershëm të konservatorëve. Nëse laburistët duan të heqin testin e nënshtetësisë, ta thonë hapur, u shpreh ligjvënësi Mark Pritchard.
Për të fituar nënshtësinë britanike apo të drejtën e jetesës në këtë vend, emigrantëve u duhet të kenë një nivel të caktuar njohurish të gjuhës angleze e të kalojnë testin e quajtur “Jeta në Mbretërinë e Bashkuar”, i cili u paraqit nga vetë laburistët në 2005-ën.
Përpara natyralizimit, ata duhet të marrin pjesë në një ceremoni individuale apo edhe grupi në bashkinë e qytetit ku jetojnë, që përfshin një betim për besnikëri ndaj Mbretëreshës dhe dëgjimin e himnit kombëtar.
Top Channel
