Rikthehet Superliga
20/10/2012 00:00
Panik te Bologna, trajneri i klubit italian shtrohet në spital/ Si paraqitet gjendja e tij 21/10 18:20
Pas pushimit që i la vend dy ndeshjeve të kombëtares, sot rikthehet Superliga me tre ndeshjet e javës së shtatë të saj.
Në Ballsh, Bylisi vendas do të presë Luftëtarin e Gjirokastrësë, ndërsa në Peqin Shkumbini do të përballet me Kukësin, të dyja takime që nisin në orën 14:00, ndërsa në orën 17:00, Besa e Kavajës luan në fushën e saj përballë Flamurtarit.
Tre takimet hapëse të kësaj jave, pasohen nga ndeshjet e tjera ditën e dielë, ku vlen të përmendet supersfida, Teuta-Skënderbeu. Laçi do të presë në fushën e tij Apolloninë, Tirana do kërkojë pikë të plota ndaj Kastriotit me shpresën e një hapi fals të Skënderbeut në Durrës, ndërsa Vllaznia do të udhëtojë drejt Beratit për t’u përballur me Tomorrin vendas.
Skënderbeu kryeson tabelën e klasifikimit me 14 pikë, dy më shumë se Tirana e vendit të dytë, ndërsa Besa ndan vendin e tretë me 11 pikë së bashku me Vllazninë.
Top Channel
