Opozita shfrytëzoi diskutimet për buxhetin faktik të vitit 2011, për t’i
bërë thirrje në korr Qeverisë të ndalë represionin financiar ndaj
biznesit.
“Situata e gjobave nga administrata fiskale është alarmante. Flitet që ju ka dalë jashtë kontrollit Drejtori i Tatimeve, madje nuk ju vjen më as në zyrë. Cili është rezultati zoti ministër? Eshtë shkatërruar komplet struktura e administratës fiskale dhe është bërë një administratë policore”, tha deputeti socialist Arben Ahmetaj.
Ndërsa deputeti tjetër Arben Malaj tha se në kushtet e krizës, fushata e gjobave po rrezikon të fundosë shumë biznese.
“Periudhat e krizave nuk janë momentet të duhura për të ushtruar politika dhe aksione gjobash, poër reduktimet dhe shtrirja në kohë e detyrimeve mund ta ndihmojë biznesin”, u shpreh Malaj.
Shqetësime për rritje të arbitraritetit nga administrata tatimore janë ngritur më parë edhe nga disa shoqata biznesi. Ndërkaq ministri i Financave Ridvan Bode nuk replikoi ndaj akuzave, por u ndal vetëm tek realizmi i treguesve të buxhetit për vitin e kaluar, që sipas tij përmbushi të gjitha objektivat ligjorë të vendosur nga kuvendi.
Top Channel
