Galliani, tifoz i Juventusit
18/10/2012 19:00
Maratona e Tiranës rikthehet me edicionin e tetë më 20 tetor, çmimet për 4.000 garues 28/09 12:49
Adriano Galliani, administratori i deleguar i Milanit, ka theksuar se do të mbështesë Juventusin në supersfidën e së shtunës që bardhezinjtë do të luajnë ndaj Napolit.
“Kam qenë tifoz i Juves kur kam qenë i ri, kështu që është e qartë për kë do të bëj tifo. Gjithsesi, këto 25 vite tek Milani e kanë shuar pasionin për bardhezinjtë”, është shprehur Galliani, i cili më pas theksoi edhe një herë se nuk do të ketë asnjë investues rus apo arab tek klubi i Berlusconit.
“Ju siguroj 100% që nuk do të ketë asnjë arab apo rus tek Milani. Duam presidentin tonë, i cili e ka ngjitur këtë klub në majën e futbollit”, deklaroi numri 2 i Milanit.
Në lidhje me dëmtimet që po persekutojnë sërish skuadrën e Allegrit, Galliani tha: “Nuk bëhet fjalë për një situatë të ngjashme me sezonin e shkuar. Robinho do të kthehet shumë shpejt dhe jemi më mirë me situatën e dëmtimeve.”
Të shtunën Seria A italiane do të luajë dy ndeshjet më të rëndësishme të javës: Juventus-Napoli (18:00) dhe Lazio-Milan (20:45).
Top Channel
