Andres Iniesta, në një intervistë për ‘Le Monde’, shprehu dëshirën për të përfunduar karrierën e tij tek Barcelona.
Mesfushori i klubit katalanas dhe përfaqësueses spanjolle tha: “Do më pëlqente që të tërhiqesha nga futbolli duke luajtur për Barçën. Kjo do të varet nga rendimenti im në fushë. Nëse luaj mirë, mendoj se do të vesh për shumë vite këtë fanellë.”
Në lidhje me supersfidën e sotme Spanjë-Francë, Iniesta deklaroi: “Do të jetë një betejë e bukur për vendin e parë në grup. Do të jetë një ndeshje shumë e vështirë dhe ne duhet të luajmë shumë mirë për të fituar.”
“Kemi arritur shumë suksese me kombëtaren dhe kemi fituar prestigj, besim dhe qetësi”, shton 28-vjeçari.
Top Channel
