Xhirimet e filmit “Robocop”
15/10/2012 09:45
“Ftesë në 5″/ Një bukuri pa zili si Paula Mehmetukaj! Miss Universe Albania zbulon njerëzit që i mban larg! 25/06 18:00
Xhirimet e filmit “Robocop”, i cili do të jetë një “remake” i filmit të vitit 1987, kanë nisur para disa javësh, por të shtunën është zbuluar për herë të parë motori i policit-robot që interpretohet nga aktori Joel Kinnaman.
Skenat e filmit aktualisht po xhirohen në Toronto (Kanada) dhe nga fotot nuk kuptohet ku mbaron Robocop-i dhe ku fillon mjeti i transportit.
Robocop është një nga personazhet ikonë të viteve ’80. Filmi i parë grumbulloi 54 milionë dollarë, pati dy pjesë të tjera, u bë serial televiziv e madje u nominua për çmim Oscar.
Në filmin e ri, Kinnaman interpreton Alex Murphy, policin hero që pëson dëmtime të rënda gjatë kryerjes së detyrës. Jeta e tij shpëtohet nga teknologjitë më të fundit duke krijuar Robocop-in.
Në kastin e filmit do të jenë edhe Michael Keaton, Gary Oldman, Samuel L Jackson dhe Abbie Cornish.
Regjizori i filmit është Jose Padilha.
Top Channel
