“Dezertojnë” katër futbollistë kubanë
13/10/2012 00:00
Abuzoi seksualisht me një nxënës që mori në kujdestari, arrestohet mësuesja 49-vjeçare në Florida 22/02 09:11
Katër lojtarë të kombëtares kubane të futbollit kanë braktisur ekipin e tyre për të gjetur strehim politik në Shtetet e Bashkuara.
Lajmi njoftohet nga trajneri i kombëtarez kubane, Alexander Gonzalez i cili tha se katër futbollistët dhe psikologu i ekipit, kanë braktisur pjesën tjetër të skuadrës pas ndeshjes me Kanadanë në fushën e kësaj të fundit, të humbur me rezultatin 3-0.
Nga sa mësohet, katër futbollistët dhe psikologu i kombëtares kubane, pasi kanë kaluar kufirin nga Kanadaja drejt Amerikës, janë nisur për në jug, pikërisht në Majemi ku ndodhet komuniteti më i madh i emigrantëve kubanezë në SHBA.
Ajo që u tremben më shumë organizata të të drejtave të njeriut është përndjekja e mundshme e familjarëve dhe të afërmve që ndodhen në Kubë të pesë “dezertorëve”. Megjithëse vitet e fundit, nën udhëheqjen e vëllait të Fidel Castros, Raulit vendi ka dhënë simptoma hapje me Shtetet e Bashkuara dhe rastet e përndjekjeve të familjarëve të personave që braktisin vendin, janë të pakta.
Sa për informacion, ndeshja Kanada-Kubë ishte e vlefshme për eleminatoret e kampionatit botëror, Brazil2014 për Amerikën Qendrore dhe të Veriut.
Top Channel
