Justin Bieber mund të jetë viktima e fundit e rrjedhjes së fotove dhe videove skandal në internet. Këngëtari kanadez që sapo ka mbushur 18-vjeç, është bërë viktimë e një vjedhjeje.
Sic raportoi vetë idhulli i shumë adoleshentëve, atij dhe manaxherit të tij i kanë vjedhur disa gjëra personale.
“Mua dhe manaxherit tim Josh na kanë vjedhur disa sende personale gjatë spektaklit. Më vjen keq dhe mendoj se njerëzit duhet të mësojnë të respektojnë pronën e tjetrit”, shkruante Bieber në profilin e tij në rrjetin social Tëitter.
E menjëherë thuajse 30 milionë ndjekësit e tij në këtë rrjet kanë nisur të hulumtojnë se përse bëhej fjalë. Kureshtja është shuar nga vetë 18-vjeçari që ka sqaruar se bëhej fjalë për një kompjuter (laptop) të vjedhur gjatë një koncerti në Tacoma në Uashington në të cilin pranoi se kishte mjaft filmime dhe foto “me spec” që u trembet se mos publikohen.
Bieber ka qenë imun deri më tani nga skandale të këtij lloji. Rreziku i përdorimit të këtyre fotove dhe videove për të diskredituar këngëtarin kanadez nga personat që e urrejnë atë (që nuk janë pak) është i madh.
Top Channel
