Fushatë industrializimi në BE
10/10/2012 16:00
Ministri i Jashtëm gjerman thirrje Iranit: Braktisni programin e raketave balistike 05/05 22:37
Komisioni Europian lajmëroi ditën e mërkurë për planet e tij për të nisur një fushatë të re industrializimi të Europës, në mënyrë që industria të rritet deri në 20% të volumit të përgjithshëm ekonomik deri në vitin 2020.
Ekonomia e BE-së aktualisht mbizotërohet nga shërbimet, me industrinë që përbën vetëm 16% të Prodhimit të Brendshëm Bruto të 27 anëtarëve.
Sipas Komisionit, vendet e BE-së kanë nevojë për të rikthyer zhvillimin në këtë sektor më shumë se kurrë, në mënyrë që t’i jepet një impuls të ri punësimit.
Gjatë dekadave të shkuara, kompanitë e mëdha europiane janë zgjeruar vazhdimisht drejt vendeve në zhvillim apo të botës së tretë, në përpjekje për të zvogëluar kosttot e tyre të prodhimit.
Megjithatë, kjo tendencë ka krijuar tashmë një situatë problematike, me papunësinë që ka arritur një nivel rekord në disa prej vendeve të BE-së.
Gjithashtu, një prej sektorëve që Brukseli shpreson të zhvillojë është teknologjia e riciklimit, ku ndonëse Europa është tashmë lider botëror, vlerësohet se ka ende edhe shumë vend për përmirësim.
Top Channel
