Allegri: Milan u penalizua nga arbitri
08/10/2012 09:30
Derbi do luhet me tifozë, FSHF “fal” me llogari Tiranën para Partizanit 25/11 16:26
Më shumë se sa humbja në derbi, është arbitri i takimit ai që nxeh trajnerin e Milanit, Massimiliano Allegri.
“Nuk e drejtoi mirë ndeshjen. Gaboi në golin e anulluar të Montolivos dhe në 11-metërshin që nuk i dha Robinhos. Gjithashtu mbylli pjesën e parë 10 sekonda para përfundimit të 45 minutave duke shmangur kartonin e kuq që duhej t’i jepte Juan-it për faull ndaj Emanuelson. Rezultati nuk u përcaktua nga arbitri, por sot na penalizoi”, theksoi tekniku i kuqezinjve pas derbit të Milanos.
“Përveç rezultatit jam i kënaqur nga ndeshja sepse krijuam shumë raste dhe vetëm goli na mungoi. U ndëshkuam sërish nga një goditje standarte. Në klasifikim jemi larg, por asgjë nuk ka përfunduar”, deklaroi Allegri pas humbjes së skuadrës së tij me rezultatin 0-1.
Milani renditet në vendin e 11 të klasifikimit me 7 pikë, 12 pikë larg kryesueve Juventus dhe Napoli.
Top Channel
