Turqi, ushtria bombardon Sirinë

Sic raportojnë mediat turke, bombardimet ishin një përgjigje lëshimit të raketave nga toka Siriane në provincën e Hatajit, në kufirin mes dy vendeve. Nga predhat e lëshuara drejt tokës turke nuk raportohen viktima, ndërkohë që nuk dihet nëse këto predha janë lëshuar nga anëtarët e armatosur të opozitës apo nga ushtria e regjimit sirian.

Të mërkurën goditjet me mortajë nga territori sirian vranë 5 civilë në qytetin turk Akcakale. Sulmi pasoi me një mbledhje të jashtëzakonshme të parlamentit turk që autorizoi ushtrinë të ndërmarrë operacione ushtarake në thellësi të tokës siriane.

Vetë kryeministri turk, Recep Taip Erdogan u kujdes të sqarojë se nuk bëhej fjalë për një akt shpallje lufte, por për një vendim mbrojtës për qytetarët turq. Erdogan paralajmëroi Sirinë të mos testojë vendosmërinë e Ankarasë për të mbrojtur qytetarët e saj.

Top Channel