Kubë, arrestohet blogerja disidente
05/10/2012 20:50
Samiti i planifikuar i paqes në Ukrainë, Kremlini i përgjigjet propozimit zviceran: Do jetë i kotë pa pjesëmarrjen e Rusisë 16/05 08:20
Blogerja disidente kubaneze Yoani Sanchez është arrestuar në qytetin e Bajamos, në lindje të Kubës, ka bërë të ditur një faqe interneti pro-qeveritare.
Sanchez është e njohur për vënien në dukje të çështjeve që prekin rininë kubaneze në ishullin e qeverisur nga komunistët.
Ajo u arrestua teksa shkonte për të parë një gjyq të Angel Carromero, i cili akuzohet për keqtrajtim lidhur me vdekjen e opozitarit të njohur Oswaldo Paya.
Profili i Sanchez në rrjetin social Twitter nuk është përditësuar që prej së enjtes dhe korrespondentja e BBC në Havana, Sarah Rainsford deklaroi se numri i celularit të saj ishte i paarritshëm.
Mesazhet e fundit në Twitter ishin dërguar teksa ajo ndodhej rrugës për të vajtur në gjyqin e Carromero.
Faqja pro-qeveritare Yohandry.com thotë se Sanchez u arrestua me bashkëshortin e saj sepse po planifikonin “një shfaqje mediatike provokuese” që mund të vinte në rrezik besueshmërinë e gjyqit.
Carromero ndodhet nën kujdesin e policisë që prej datës 22 korrik, kur makina e drejtuar prej tij goditi një pemë dhe u përmbys, duke vrarë Osëaldo Paya dhe aktivistin tjetër Harold Cepero.
E njëjta faqe interneti akuzon gjithashtu zonjën Sanchez për përpjekje për manipulimin e së vërtetës së aksidentit të zotit Carromero.
Top Channel
