Marok, bllokohet anija holandeze e aborteve

Grupi i quajtur “Gratë në Dallgë” ofron aborte ose këshilla të specializuara, në bordin e anijeve, të cilat qëndrojnë në ujra ndërkombëtarë, pranë shteteve ku praktika e ndërprerjes së shtatzanisë konsiderohet e paligjshme.

Udhëheqësja e grupimit, Rebecca Gomperts, deklaroi për “BBC” se organizata është duke planifikuar një “përgjigje surprizë”.

Sipas saj, autoritetet marokene nuk kanë të drejtë të ndalojnë një anije që lundron nën flamur holandez.

Megjithatë, ministri i Shëndetësisë së Marokut, deklaroi në një televizion vendas se anija nuk do të lejohet “kurrë” të ndalojë në një port të vendit, pasi bie në ndesh me ligjet dhe kodet morale që zbatohen në Marok.

Organizata “Gratë në Dallgë” synon të ndërgjegjësojë popullsinë botërore mbi planifikimin familjar. Udhëheqësja e saj shtoi se qëllimi i grupimit ishte të bënte publik faktin se ilaçe për ndërprerjen e shtatzanisë janë aktualisht të pranishme në Marok, ndonëse shumë pak femra kanë një dijeni për këtë.

Sipas të dhënave zyrtar, 600-800 aborte ndodhin çdo vit në Mbrëtërinë e ndodhur në Afrikën Veriore, por edhe këto ndërhyrje realizohen vetëm me miratimin e komisioneve mjekësore, mbi bazën e arsyetimit se vazhdimi i shtaztanisë do të rrezikonte jetën e nënës.

Top Channel