Çmimet e naftës, rënie në BE dhe Kinë
04/10/2012 00:00
Dyshohet se mori ryshfet nga Egjipti dhe Katari, zgjidhet juria për gjyqin e senatorit demokrat në SHBA 15/05 21:56
Çmimet e naftës ranë ndjeshëm të mërkurën, pasi të dhënat ekonomike nga
Kina dhe Evropa shkaktuan një seri shqetësimesh për kërkesën globale.
Çmimi i naftës së papërpunuar e planifikuar për t’u shpërndarë në nëntor ra me 3.40 dollarë në 108.17 dollarë për fuçi, ndërsa nafta amerikane u shit me 88.14 dollarë për fuçi, me 3.75 dollarë më ulët.
Në shtator, nafta e papërpunuar arriti pikun me çmimin 117.95 dollarë, që zgjati për katër muaj. Analistët thonë se shumë faktorë që kanë nxitur rritjen e çmimeve, si për shembull tensionet mes Iranit dhe Izraelit, tashmë kanë humbur fuqinë e tyre.
“Tregjet e energjisë ranë në themelet e tyre natën që kaloi, duke shënuar kështu një rënie dramatike”, deklaroi Justin Harper nga “IG Markets”, në një komunikatë për shtyp.
Të dhënat nga Kina, të publikuara ditën e mërkurë, ishin një nga faktorët që çuan në rënien e shitjes së naftës dhe artikujve të tjerë. Kjo tregoi se sektori i shërbimeve në Kinë është përhapur me një hap të ngadaltë në shtator.
Kjo vjen disa ditë pasi të dhënat zyrtare treguan se prodhimi vazhdon të ngadalësohet. Kina është një importues i madh i artikujve të derivateve të naftës dhe një ngadalësim atje do të thotë një rënie e madhe e kërkesës për naftë.
Top Channel
