Europa, e kërcënuar nga incidentet bërthamore

Sipas një përllogaritje të bërë në raport, do të nevojiten rreth 25 miliardë euro për të shmangur rrezikun e incidenteve të ardhshme.

Raporti, realizimi i të cilit u urdhërua pas katastrofës së Fukushimës, kishte si synim të shqyrtonte aftësinë e stacioneve europiane për të përballuar situata urgjente.

U plotë, dokumenti do të publikohet ditën e enjte.

Sipas vlerësimit të ekspertëve, pothuajse të gjithë reaktorët bërthamorë, nga një total prej 143 të tillë, kanë nevojë për përmirësime.

Një grup anti-energjisë bërthamore reagoi në mënyrë të menjëhershme, duke thënë se këto të dhëna ngrenë përfundime “tepër shqetësuese”.

Ekziston dyshimi se e vërteta nuk ka dalë tërësisht në dritë me këtë raport, pasi është politikë e Komisionit Europian që të mos bëjë publike ose të “zgjedhë fjalët”, në çështje që mund të shkaktojnë frikë në publik.

Top Channel