Greqi, marrëveshje për paketën e shkurtimeve
27/09/2012 16:30
“Ai dhe shokët e tij i mungojnë vendit”, i ati i Hashim Thaçit pasi vizitoi të birin në Hagë: Punuan shumë që të jemi të lirë, duhet të jenë në Kosovë 19/05 17:43
Ministri grek i Financave, Yannis Stournaras, deklaroi se tre partitë përbërë të koalicionit qeverisës në vend kanë arritur një marrëveshje bazë mbi paketën e shkurtimeve për periudhën 2013-14.
Masat pritet t’i prezantohen trojkës, kredituesve ndërkombëtare të Greqisë ditën e hënë, përpara se të shkojnë për miratim në Parlament.
Trojka përbëhet nga Komisioni Europian, Banka Qendrore Europiane dhe Fondi Monetar Ndërkombëtar.
Miratimi i paketës së shkurtimeve është një kusht i domosdoshëm për Greqinë që të vazhdojë të marrë këstet e kredisë, pa të cilën do të ishte e detyruar të shpallte falimentimin.
Ndonëse Stournaras nuk bëri të qartë hollësira rreth shkurtimeve, ministri theksoi se “shumë pak detaje kanë mbetur tashmë për t’u ekzaminuar”.
Ditën e hënë, mbi 50 mijë protestues u grumbulluan në sheshin kryesor të kryeqytetit Athinë, duke protestuar kundër masave të reja shtrënguese të qeverisë.
Top Channel
