Përgënjeshtrohet koalicioni PDK-AAK
16/09/2012 09:20
Serbia “s`ka nga lëviz më”, tani është zyrtare: “Ohri”, pjesë e procesit të dialogut me Kosovën
24/04 15:32
Pavarësisht riaktualizimit të çështjes së koalicionit PDK – AAK, përmes shkrimeve në media, zyrtarë të këtyre dy partive mohojnë të ketë ndonjë risi në këtë drejtim.
Adem Grabovci, shef i grupit parlamentar të PDK-së, konfirmoi për “Top Channel” nëpërmjet telefonit se nuk ka ndonjë zhvillim të ri.
“Për çdo koalicion të mundshëm, apo zgjerim të koalicionit, vendimi do të merret në organet e partisë”, shhtoi Grabovci.
Sipas tij, “koalicioni aktual për momentin është i qëndrueshëm dhe është duke funksionuar”.
Në anën tjetër, edhe zyrtarë të AAK-së deklarohen se gjërat nuk kanë lëvizur, ndërsa kujtojnë se një koalicion i tillë është i mundur vetëm nëse lideri i kësaj partie, Ramush Haradinaj, do të jetë kryeministër.
“Kryesia e AAK-së nuk e ka trajtuar asnjëherë çështjen e koalicionit. Është e vërtetë që po flitet e po përflitet e ka spekulime në shtyp. Nuk e dimë se sa nga këto spekulime janë të vërteta, por unë e di qëndrimin e AAK-së, dhe AAK-ja mund të hyjë në koalicion vetëm me Ramush Haradinajn kryeministër”, deklaroi Melihate Tërmkolli, anëtare e kryesisë së AAK-së.
Prej disa kohësh në Prishtinë përflitet mundësia e krijimit gjatë vjeshtës të një koalicioni të ri ndërmjet Partisë Demokratike të Kosovës dhe Aleancës për Ardhmërinë e Kosovës.
Top Channel
