Ndonëse Britania realizoi një betejë të përgjakshme me Argjentinën për të ruajtur ishujt Falklands në vitin 1982, vetëm një në tre banorë të ishujve në mes të Oqeanit Atlantik e konsideron veten si britanik.
Këto janë të dhënat e publikuara nga rregjimistrimi i fundit i popullsisë së ishujve autonomë nën kurorën e Mbretëreshës së Britanisë, ndonëse territory ndodhet vetëm dhjetëra kilometra nga brigjet argjentinase.
Buenos Airesi, i cili vazhdon të pretendojë ishujt e quajtur në spanjisht si Malvinas, mund të inkurajohet të lëshojë një fushatë të re anti-britanike, kundër territorit të konsideruar prej tij si një “koloni e paligjshme në tokën argjentinase”.
Censusi i 2012-s tregoi se nga 1 973 banorë të ishujve me sipërfaqe të përafërt me atë të Kosovës, 53% e konsiderojnë veten shtetas të “Falklands” dhe vetëm 29% britanikë.
Megjithatë, me origjinë latine, përfshirë argjentinas konsiderohen më pak se 6,5% e popullsisë.
Censusi tregoi gjithashtu se problemi kryesor i popullsisë është plakja e saj, me forcën e aftë për punë në reduktim të vazhdueshëm.
Ishujt Falklands fituan pavarësinë nga Spanja si territor argjentinas në vitin 1810, por u pushtuan nga Britania e Madhe në 1829 dhe që prej atëherë mbeten një territor britanik.
Top Channel
