Meksikë, arsenal armësh në shtëpinë e 9-vjecarit

Gjithcka nisi pasi një djalë 9-vjeçar mori me vete një armë në shkollë.

Shokët e klasës së djalit panë armën në çantën e tij dhe raportuan atë tek autoritetet e shkollës, të cilët alarmuan policinë.

Arma, e cila thuhet se ishte e mbushur, u konfiskua dhe policia bastisi shtëpinë e djalit.

Atje ata gjetën armë dhe mijëra fishekë.

Autoritetet lokale thanë se kishin gjetur një pushkë të fuqishme (AR15) në tryezën e ngrënies dhe në një nga dhomat e gjumit, 13.000 karikatorë, pistoleta, municion, pushkë sulmi, xhaketa antiplumb dhe dy makineri të numërimit të parave.

U gjetën gjithashtu disa fishekë të kalibrit të lartë, të aftë për të depërtuar antiplmumbin, të ashtu-quajtura “polic-vrasës”.

Përveç këtyre, policia konfiskoi uniforma ushtarake, radio portative dhe tre automjete, dy prej tyre të blinduara.

Një zëdhënës i policisë tha se një grua, që mendohet të jetë e ëma e djalit, ishte arrestuar në shtëpi, por një person mashkull kishte arritur të shpëtonte duke u larguar.

Djali u mor nën kujdesin e punonjësve socialë.

Top Channel