Dodik: Serbia të pranojë Kosovën…
05/09/2012 18:30
Gjermania “tradhton” Kosovën, do të bllokojë bashkë me Francën votimin për në Këshillin e Europës 04/05 13:08
Presidenti i Republikës Serbe të Bosnjës, Milorad Dodik ka deklaruar se Serbia duhet ta njohë pavarësinë e Kosovës, por pa territorin në veri.
Dodik, një nga promotorët e ndarjes apo pengesave të mosfunksionimit të Bosnjës, ka thënë se veriu i Kosovës duhet të ngelet në Serbi dhe të pranohet realiteti për pjesën tjetër.
“Nga ana tjetër, Serbia duhet ta ketë të qartë që kthimi i Kosovës në aspektin politik është i pamundur. Nuk është vetëm humbje siç e paraqesim në Serbi. Duhet të mblidhemi e ta shohim realitetin, ta shohim këtë si një dhuratë. Veriu i Kosovës është realiteti”, ka thënë Dodik.
Dodik ka qenë një nga politikanët me të afërt të ish-presidentit Boris Tadiç nga Bosnja dhe së fundmi është takuar edhe me presidentin Tomisllav Nikoliç.
Gjysma e Bosnjës është nën kontrollin e tij dhe disa herë ai ka kërcënuar me referendum. Marrëdhëniet e tij me Sarajevën janë në nivel minimal dhe shpesh ka folur kundër Bosnjës.
Top Channel
