Më shumë se 3400 hektar pyje janë djegur nga zjarret që përfshin pyjet në Kosovë. Zonat më të prekura nga zjarret mbeten komuna e Prizrenit dhe ajo e Pejës.
Komisioni për Bujqësi, Pylltari, Zhvillim Rural, Mjedis dhe Planifikim Hapësinor zhvilloi mbledhje ku u bë shqyrtimi i gjendjes së krijuar nga zjarret në pyjet e Kosovës.
Kryetari i komisionit parlamentar Nait Hasani kërkoi raportim nga Ministri i Bujqësisë për angazhimin e ministrisë në këtë çështje.
Nënkryetari i komisionit Liburn Aliu, por edhe kryetari Hasani ngritën dyshime lidhur me zjarret. Sipas tyre, bazuar në pyetjet e anëtarëve të komisionit cështjet në tenderët e pyjeve por edhe keqpërdorimet e tjera që mund të kenë shtyre persona të caktuar t’i djegin pyjet qëllimisht.
Gjatë këtij debati u theksua edhe mungesa e numrit të zjarrfikësve pa u anashkaluar edhe papërgjegjshmëria e zyrtarëve komunal. Kjo për shkak se përgjegjësia e pyjeve është përgjegjësi direkte e qeverisjes lokale.
Top Channel
