Për të ditën dytë radhazi, një avion në Kinë u detyrua të bënte ulje të detyruar, duke ngritur dyshime mbi sigurinë në një prej tregjeve me rritjen më të shpejtë në botë në aeronautikë.
Linja e “Shenzen Airlines”, në fluturim nga Xiangyangu në Shenzen, u detyrua të kthehej në aeroport pak pas nisjes.
”Në orën 22:29 të së enjtes, 30 gusht 2012, kompania mori informacione kërcënuese mbi sigurinë e flurutimit ZH 9706”, shkruhej në një komunikatë të publikuar në faqen e internetit të “Shenzen Airlines”.
”Për të garantuar sigurinë e plotë të pasagjerëve, avioni ndryshoi menjëherë drejtim dhe u ul në mënyrë të sigurt në Vuhan. Policia mbërriti në vendngjarje dhe është duke hetuar mbi këtë incident”.
Megjithatë, kompania nuk tregoi natyrën e kërcënimit për udhëtarët dhe ekuipazhin e avionit “Airbus A320”, me kapacitet prej 150 pasagjerësh në të dy klaset e tij.
Të mërkurën, një tjetër “problem i paspecifikuar” detyroi fluturimin CA 981 të “Air China” drejt Nju Jorkut, që të rikthehej në kryeqytetin Pekin, shtatë orë pas ngritjes së tij në fluturim.
Top Channel