Merr të tjera përmasa dhuna e shpërthyer në Liban mes grupeve sektare pro dhe kundër presidentit sirian, Bashar al Assad.
Një klerik sunit u qëllua për vdekje në qytetin e Tripolit ku raportohen përleshje të reja mes sunitëve dhe alavitëve. Nga e hënë numërohen të paktën 13 viktima,. Tripoli, qytet me 200 mijë banorë, i dyti më i madh në Liban është strehë e një minorance alavite mes shumicës sunite në zonë.
Sunitët janë kundër presidentit Bashar al-Assad që mbështetet nga pakica alavite për shkak se edhe ai i përket këtij grupi.
Ndërkohë, kryeministri libanez, Najib Mikati ka bërë thirrje për ndaljen e dhunës dhe ftoi të gjithë qytetarët e Tripolit të arsyetojnë e të mos bëhen pjesë apo municion i një lufte të tjetërkujt.
Top Channel
