Regjizori hollivudian, Tony Scott, vuante nga një formë e paoperueshme e tumorit në tru, u zbulua disa orë pas vetvrasjes së tij gjatë ditës së hënë.
Ishte vetë 68-vjeçari që shkruante për sëmundjen në një letër prekëse lamtumire, në të cilën theksonte se dëshironte të kursente familjen dhe veten nga vuajtjet e një vdekje të dhimbshme dhe të ngadaltë.
Regjizori i shumë filmave të famshëm, sipas rrjetit amerikan “ABC News”, e mbante prej disa javësh për vete sekretin e tij.
Në foton e fundit të Scott gjallë, në datën 23 korrik, gjatë një ceremonie në Beverli Hills duket qartësisht portreti i një personi që përpiqet të përmbante dhembjen.
Më parë gjatë vitit regjizori i “Top Gun” dhe shumë filmave të tjerë legjendarë u shtrua disa ditë në spital, por u tha miqve dhe shtypit se duhet të realizonte një operacion në ije.
Në të vërtetë, ai ishte shtruar për të marrë trajtim për tumorin që po avanconte dhe pas disa kurash, i ishte komunikuar në fillim të korrikut se tashmë kanceri ishte bërë i paoperueshëm dhe se mund të kurohej vetëm për të zgjatur jetën edhe në disa muaj të tjerë.
SHBA, vetëvritet regjisori Tony Scott
Regjisori hollivudian Tony Scott, i famshëm për shumë filma mes të cilëve edhe ‘Top Gun’, ka vrarë veten duke u hedhur nga një urë e Los Angeles.
68-vjeçari fitoi famën në vitet ’80 falë një serie filmash aksion si ‘Crimson Tide’, ‘Days of Thunder’ dhe ‘Beverly Hills Cop II’.
Sipas autoriteteve policore, Scott është hedhur nga ura Vincent Thomas rreth orës 19.30 të ditës së dielë (e hene ne Shqiperi)
Scott gjithashtu ka shumë filma me aktorin Denzel Washington, përfshirë ‘Man on Fire’ dhe ‘Unstoppable’.
Gjatë kësaj kohe, mendohet se Tony Scott po punonte për vazhdimin e filmit ‘Top Gun’ me Tom Cruise.
Top Channel
