Palestina “lobon” për njohje nga OKB
14/08/2012 16:50
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një zyrtar i lartë palestinez i kërkoi diplomatëve të huaj në Jeruzalem që të mbështesin një nismë të re të vendit të tij për të fituar njohje nga ana e Organizatës së Kombeve të Bashkuara.
Hanan Ashrawi, një anëtar i Komitetit Ekzekutiv të Organizatës së Çlirimit të Palestinës, deklaroi se një “përpjekje e tillë përbën një test mbarëbotëror për konsensusin dhe zotërimin e ligjit”.
Palestina njihet si shtet i pavarur nga shumica e vendeve të botës, përfshi edhe Shqipëria e dy anëtarët me të drejtë veto të Këshillit të Sigurimit, Rusia dhe Kina.
Megjithatë, SHBA, Franca dhe Britania, tre anëtarët e tjerë me të drejtë veto, nuk e njohin dhe vazhdojnë të kundërshtojnë çdo nismë për njohje ndërkombëtare.
Aktualisht, Palestina është vetëm një anëtar me të drejta të pjesshme të OKB-së, në mbledhjet e së cilës merr pjesë vetëm në rolin e vëzhgueses.
Më parë gjatë vitit, SHBA tërhoqi kontributin e saj për organizatën kulturore “UNESCO”, pjesë e OKB-së, pasi në të u pranua anëtarësimi me të drejta të plota i Palestinës.
Top Channel
