Gjermani, ekonomia u rrit me 0.3 për qind

Rritja ekonomike gjermane ishte më e ngadaltë se 0.5 për qind e regjistruar në tremujorin e parë të vitit, por pritet që të jetë një nga më të fortat në eurozonë.

“Gjermania ka arritur rritjen falë rritjes së eksporteve drejt vendeve që nuk bëjnë pjesë në eurozonë”, ka thënë Christian Schulz nga banka Berenberg Bank.

“Është pothuajse një surprizë që konsumi i brendshëm është rritur për shkak të papunësisë së ulët, rritjes së rrogave dhe kuota e ulët e inflacionit”, ka shtuar analisti.

Pavarësisht rritjes së ekonomisë më të madhe e Evropës, GDP-ja për të gjithë eurozonën pritet të ketë pësuar tkurrje.

Të dhënat zyrtare mbi GDP-në e eurozonës në tërësi pritet të publikohen më vonë gjatë ditës nga instituti evropian i statistikave EUROSTAT.

Më herët, Franca njoftoi se ekonomia e saj kishte regjistruar zero rritje në të njëjtën periudhë, që gjithësesi ishte më mirë nga sa pritej. Ekonomia franceze ka regjistruar rritje zero të ekonomisë edhe në dy tremujoret e mëparshme.

Top Channel