Francë, luftë urbane në periferi

Bilanci i deritanishëm flet për 16 policë të plagosur, për një shkollë dhe një sallë mbledhjesh të djegura, si dhe për dhjetra vetura e kazanë mbeturinash të shkrumbuar për të ngritur barrikada.

Disa të plagosur lehtë ka pasur edhe mes banorëve të lagjes, ndërkohë që dëmet e shkaktuara llogariten në mbi një milion euro.

Përleshjet mes të rinjve dhe policisë në lagjet e banuara kryesisht me emigrantë në qytetet e Francës nuk janë një fenomen i rrallë.

Me argumentin për të kërkuar të drejtat e tyre, komunitetet afrikane ose ato arabe protestojnë duke kaluar në akte dhune, që konsistojnë kryesisht në djegien e automjeteve ose konteinerëve të mbeturinave.

Ndër ngjarjet më të rënda mbahet ajo në verën e vitit 2005, kur trazira të tilla u regjistruan në periferitë e Parisit, në qytete të tjera të Francës, si dhe në vendet në kufi me të.

Top Channel