Meksikë, shfarroset një familje në Verakruz
13/08/2012 16:35
Më i madhi në pesë muajt e fundit, Ukraina dhe Rusia këmbejnë të burgosur të luftës 26/06 07:19
Një familje e përbërë nga shtatë persona, mes të cilëve tre fëmijë, është shfarrosur në qytetin e Verakruzit, në Meksikë.
Familjarët, të gjithë me fytin të prerë, janë gjetur nga fqinjët për shkak të erës së tmerrshme që vinte nga shtëpia e tyre.
Hetuesit pasi kanë mbërritur në vendin e ngjarjes, nga ekzaminimet që kanë kryer, kanë arritur në përfundimin se familja ishte vrarë 73 orë më parë.
Mes viktimave janë edhe tre fëmijë, të moshavë 3, 7 dhe 9 vjeç. Kjo është hera e dytë në më pak se një javë që një familje përfundon në shënjestër të bandave të narkotrafikut.
Në tërësi dhuna e lidhur me trafikun e drogës në Meksikë ka shkaktuar rreth 50 mijë viktima që prej vitit 2006, kur presidenti i atëhershëm futi ushtrinë kundër karteleve.
Pavarësisht arrestimit të figurave të spikatura të botës së krimit të vendit latin, situata mbetet e pandryshueshme dhe dhuna e trafikantëve nuk kursen as të miturit.
Top Channel
