Art Kontakt Festival
13/08/2012 16:10
“Ja na erdhi Viti i Ri….”, shoferi stolis makinën e tij luksoze me 2500 drita me ngjyra, pamjet bëhen virale 26/11 09:21
Është zhvilluar në kalanë e Ali Pashës në Porto Palermo edicioni i dytë i festivalit ndërkombëtar të artit bashkëkohor, Art Kontakt.
Dhjetëra artistë, jo vetëm shqiptarë por dhe nga Maqedonia, Greqia, Mali i Zi, Kroacia, etj, kanë marrë pjesë në këtë event kulturor, për të shpalosur vlerat e tyre artistike.
Ky eveniment ka synuar të hulumtojë përshtypjet, përjetimet, prespektivat dhe ndjesitë që arti pasqyron në këto momente historike.
Në këtë edicion, kalaja e Ali Pashës në Porto Palermo është kthyer në një “laborator” artistik, që mirëpret vlera të reja.
Poetë e artistë të ndryshëm nga Shqipëria dhe vendet përreth kanë “ndërhyrë” artistikisht, të frymëzuar nga konteksti historik dhe arkitekturor, duke i dhënë zonës një imazh të ri.
Artistët e rinj kanë krijuar një botë të pasur dhe të ndryshme në këtë vend, që quhet kalaja e Ali Pashës, duke ofruar për publikun e interesuar për të ndjekur artin e tyre, një kompleks të larmishëm dhe të veçantë vlerash.
Top Channel
